Монгол улсад суугаа Төлөөлөгч ноён Хуан Куо Рун нь 4 дүгээр сарын 28-ны өдөр “Хятадын 24 албан түүх” 58 боть ном ”Шинэ Юань улсын түүх” 1 боть хятад хэл дээрх түүхийн номыг Олон улсын харилцааны хүрээлэнд судлаачдын судалгааны ажил болон түүхийн сан хөмрөгийг арвижуулахаар бэлэглэлээ.
Олон улсын харилцааны хүрээлэн нь Монгол дахь олон улсын харилцаа судлалын тэргүүлэх байгууллага юм. Тус хүрээлэнд Монгол Хятадын харилцаа, хоёр эргийн харилцаа төдийгүй бусад олон талт судалгааны ажлын нэг болох Хятадын түүх соёлын харилцааны судалгааны эх сурвалж материаллаг бааз нэн шаардлагатай байгаа юм. Иймд судалгааны ажил болон судлаачдад чухал ач холбогдол бүхий эдгээр боть номуудыг тус төлөөлөгчийн газар Тайваниас худалдан авч тээвэрлэн ирүүлсэн байна.
Энэхүү бэлэглэж буй 59 боть номын нэг болох “Шинэ Юань улсын түүх” ном нь 24 улсын түүхийн нэг бөгөөд Мин улсын төрийн үед бичигдсэн “Юань улсын түүх” номыг засварлан гаргасан түүхийн эмхэтгэл юм. Энэ нь Хятадын түүх соёлын үнэн бодит мэдээллийг түгээх Монголын судлаач эрдэмтдийн судалгааны ажилд оновчтой мэдээллийг хүргэхэд нэн ач холбогдолтой юм.
Монголын Шинжлэх ухааны академийн харъяа Олон улсын харилцааны хүрээлэнд 30 гаруй эрдэмтэн судлаачид ажилладаг ба талаас илүү хувь нь доктороос дээш эрдмийн зэрэг цолтой эрдэмтэд судалгааны ажил эрхэлдэг байна. Хүрээлэнгийн Захирал Ж.Баясах Профессор өнгөрсөн жил Гавъяат багш цол тэмдэгээр шагнагдсан нь түүний Монгол дахь Хятад судлал, Монгол Хятадын харилцаа судлалын түүхэнд оруулсан хувь нэмэрийг төрөөс өндрөөр үнэлсэний илрэл юм. Тэртээх 1970 онд ЗХУ-ын Ленинград хотын их сургуульд Хятадын түүх судалж эхлэн эх орондоо буцаж ирсэнээр МУИС ОУХДС-ын захирал зэрэг албан үүргийг 17 жилийн хугацаанд гүйцэтгэж иржээ.
Тайваниас Монголд суугаа төлөөлөгч Хуан Куо Рун 2017 оны 1-3 дугаар сарын хооронд Тайваниас бэлэглэсэн 560 гаруй хятад англи хэл дээрх хүүхдийн номыг Монголын хүүхдийн төв номын сан, Улаанбаатар хотын Чингэлтэй дүүргийн Хүүхдийн номын өргөөнд тус тус хандивлан ном бэлэглэх ёслолын ажиллагаанд төр нийгмийн зүтгэлтэн эрдэмтэн судлаач, холбогдох албаны хүмүүс байлцав. Энэхүү арга хэмжээнд Монголын боловсролын салбар болон Тайвань Монголын соёл урлагын салбарын хамтын ажиллагаанд нэгэн шинэ алхам болж байна.
Хэдийгээр Тайвань Монгол хоёр тал дипломат харилцаагүй хэдий ч хоёр талын эрүүл мэнд, хүмүүнлэг, соёл боловсрол, иргэд хоорондын харилцаа, хамтын ажиллагаа нягт хөгжиж байна.
Одоогоор Монголоос Тайваньд суралцагсдын тоо 830 гаруйд хүрч жил тутам 10-аад эмч нар Тайванийн богино хугацааны сургалтанд хамрагдан туршлага судалж нийт 450 гаруй Монголын эм эмнэлэгийн ажилтан мэргэжилтнүүд Тайваньд мэргэжлийн сургалтанд хамрагдсаар байна.
Тус Төлөөлөгчийн газрын тэргүүн нь Тайванийн гурав дахь том хот болох Тайжун хотын Орлогч даргын алба, тус хотын соёлын газрын даргын албыг хашиж байгаад нэг жил гаруйн өмнөөс Монгол улсад томилогдон ирсэнээр Тайвань Монголын урлаг соёлын харилцан хамтын ажиллагааны ажилд ханцуй шумлан орсны нэг жишээ дурдахад:
- 2016 оны 12 сард Монголын Үндэсний музей Тайванийн Байгалийн Шинжлэх ухааны музейтэй хамтын ажиллагааны санамж бичигт гарын үсэг зурж хоёр талын хэтийн хамтын ажиллагаагаа өргөжүүлэх
- 2017 оны 2 дугаар сард Тайванийн засгийн газрыг төлөөлөн брайль хэвлэгч машиныг Монголын хараагүйчүүдийн үндэсний холбоонд бэлэглэн ингэснээр тус холбооны брайль хэвлэлийн төвийн ажиллах чадамжийг сайжруулж, цаашид Монголын харааны бэрхшээлтэй иргэдийн суралцах чанарыг дээшлүүлэхэд дэвшил бий болгох юм.
