Монгол улсын Шинжлэх ухааны академийн тэргүүлэх судлаач ноён Н.Ганбат тэргүүтэй судалгааны баг хамтарсан судалгааны төслийн хүрээнд Монголын түүхийн өвийг судлахаар 9 дүгээр сарын 26-ны өдөр Тайванийн Үндэсний хааны ордон музейг зорив. Төсөлд Үндэсний хааны ордон музейд хадгалагдаж буй Монголын эзэнт гүрний үеийн түүх, соёлын дурсгалт өвийг дижитал эмхэтгэлд оруулан улмаар Монгол улсын Үндэсний төв музей, орон нутгийн музей, Монголын түүх судлаачид хамтран төрөл зүйл гарал үүслийн судалгаа хийгдсэн материалуудад дүн шинжилгээ хийгдсэнээр хэвлэлтэнд гарах ба энэхүү хамтарсан төсөл нь 4 жил хүртэлх хугацааных бөгөөд эхний шат нь бодит түүхийн дурсгалт өвийн зүйлсийг судлах, хоёрдугаар шатлалд сурвалж бичгийн судалгааны ажил хийгдэх юм.
Тайваниас Монгол улсад суугаа төлөөлөгч Хуан Куо Рун нь Тайванийн Үндэсний хааны ордон музей бол дэлхий дээрх олны таашаалыг хамгийн ихээр хүртсэн түүхийн музейн нэг ба музейн сан хөмрөгт эртний соёлын дурсгалт 700 мянга гаруй үзмэр байх ба дийлэнх хувь нь Монголын түүхтэй холбоотой юм. Эдгээр үнэт соёлын өвүүд нь Монголын түүхийн чухал тэмдэглэлийг илэрхийлэх бөгөөд энэ удаагийн судалгааны ажлын үр дүн нь хүн төрөлхтний түүхийн хуудаснаа Монгол улс асар том амжилтыг бүтээх болно хэмээн найдаж байна.
Дашрамд энэхүү төсөлд дэмжлэг үзүүлсэн Үндэсний хааны ордон музейн хамт олонд талархсанаа илэрхийлье. Үнэндээ 2015 онд Тайвань Монголын хамтран бүтээсэн “Тайванийн Үндэсний хааны ордон музей дэхь Монголын түүх, соёлын өв дурсгалууд” ном хэвлэгдэн гарсан нь маш чухал үндэс суурь болж өгсөн юм хэмээн өгүүлэв.
2014 оноос Монгол дахь Тайванийн төлөөлөгчийн газар, Монголын Шинжлэх ухааны академи, Үндэсний хааны ордон музей хоорондын хамтын ажиллагаа эхлүүлсэнээр Монголын түүхэн дэхь өвөг дээдсийн тухай бүдэг түүхийн хуудсийг тодотгож ард иргэдийн иргэний боловсролд тодорхой хувь нэмэр оруулах юм.
Эдгээр хоёр байгууллагуудын олон удаагийн харилцан хэлцэл хийгдсэний үндсэн дээр энэ оны 7 дугаар сарын 7-ны өдөр хамтын ажиллагааны санамж бичигт гарын үсэг зурсанаар судалгааны төсөл хэрэгжүүлэхээр Монголын шинжлэх ухааны академийн 3 судлаачийн бүрэлдэхүүнтэй баг Тайванийг зорин эхний шатны судалгааны ажлаа эхлүүлж байна.
